No ano 2002 fórmase na cidade de Lugo a asociación AFALU, “Asociación de familiares de doentes de alzhéimer e outras demencias neurodexenerativas de Lugo”. AFALU nace ante as necesidades expresadas polos familiares e como medio para encontrar solucións e alternativas para todas aquelas persoas enfermas de alzhéimer e outras demencias, así coma os seus familiares e coidadores que non atopan recursos públicos que as poidan beneficiar. A finalidade principal de AFALU é informar, formar, asesorar e axudar os afectados, así como as súas familias e coidadores, promover actuacións e programas destinados a mellorar a situación das familias e unha mellorar atención aos enfermos de alzhéimer e outras demencias.