Dende a Mesa de Redacción presentamos neste traballo o repositorio dos artigos publicados na revista Fervenzas: Revista Galega de Traballo social do Colexio Oficial de Traballo social de Galicia dende o seu número 0, publicado en 1997, ao número 24, publicado en 2022. Os 206 artigos preséntanse agrupados nun total de vinte sete áreas temáticas, clasificación que pensamos pode ser de utilidade a todas as persoas que se acheguen a esta publicación á hora de documentarse ou procurar artigos dunha temática concreta. A primeira versión deste repositorio sae á luz neste número especial de Fervenzas en formato artigo. Se ben, as persoas que formamos a Mesa de Redacción, agardamos que en breve, podades dispoñer del en formato dixital a través da páxina web do Colexio, de tal xeito que permita ir incluíndo as futuras publicacións da revista e facilite a busca.