Somos unha asociación sen ánimo de lucro con sede social en Vigo, inscrita no Rexistro xeral de asociacións da Comunidade Autónoma de Galicia. Aínda que a data de inscrición é recente, a idea de comezar un camiño xuntas e de proxectar as nosas ilusións comezou a xerarse durante o ano 2018, soñando con novas formas de emprender e desenvolver iniciativas que teñan un sentido social para o benestar dos nenos e nenas de Galicia.